القدس تصرخ والسماء تحصد أعمار...والدم ينزف والارامل يموتون

بسم الله الرحمن الرحيم

تخيلوا لو يفزع الجار للجار ... في مجتمع حاقد وغاضب ومشحون
وتخيلوا لو تلتفت كل الانظار... للمشهد الي وقفت دونه عيون
وتخيلوا لما رح الحرب تندار ... مابين حكام العروبه وصهيون
اليا متى نستقبل ذنوب بأعذار ... وليا متى نستنزف جروح بطعون
نتبع خطى تيار ونصد تيار ... نبعد وعدوان المسلمين يدنون
لو كان بقلوب العرب صبر واصرار...ما كان سوو فيكم الي يسوون
باهمالكم بدلتم الثأر بالعار ... بعتم تراب القدس وانتم تشوفون
حنا كذا بمعارض الرأي شطار ... لين استوا بالمجد عالي ومظمون
من كثر ماكنا نجامل ونحتار... صرنا نخاف نعارض الي يقولون
القدس تصرخ والسماء تحصد أعمار...والدم ينزف والارامل يموتون
وأرواح تسلب سلب وأعصاب تنهار...وأطفال تعدم والبشر مايحسون
خمسين عام نحارب الشرك بحجار...وبسكوتنا نبني عمارات وحصون
ننسى وكأن الي حصل شي ماصار...نسكت وكم مابيننا شخص مغبون
لين اشربوا من دم الاسلام كفار...وبعروقنا صارو يروحون و يجون
أستضعفوا لين اضعفوا كل الاقطاب...ساقو غضبهم والاوادم يصلون
يستدرجون العز لسمحه الابرار...يستمتعون بقتل الاطفال بالهون
ما كأنه الا شعب مخلوق غدار...في قلب لاساكن ولاهو بمسكون
بالذل ماتلقى على صيته غبار...كبارهم واطين واصغارهم دون
لابارك الله فيهم صغارواكبار...ولا جمع الله شملهم وين يسعون
وما تنطفي شمس الحقيقه ولو جار...فينا زمان الضعف والذل والهون
ودام الفشل والضعف في الفين الاضرار...لابد ما نضحك ولابد يبكون
وان كانت قلب العرب تنذر انذار...ليش نتجاهلهم وهم يستبدون
الناي قالت حارب النار بالنار...وما الله خلق للآدمي عمر مظمون
وان كانت الفزعه من أحرار لأحرار...حانا البروق الي غدت سحب وامزون
وحنا السكوت الي سبق عصف واعصار...وحنا سباع الكون يالعنة الكون
وحنا عرب والعرب ما تترك الثأر...بافعالنا ماهي بقولة يقولون
نزعل لكن بالوعل دمنا حار...نفزع ليا شفنا العذارا يصيحون
عقالنا معهم من العلم مقدار...ومجنونا ينطح ثمانين مجنون
ياشعب يا ثائر ويا شعب مغوار...هون من اسباب المعاناه وتهون
أصرخ على كل العرب واجهر اجهار...وخل اليهود ان مادرو عنك يدرون
واجمع شتات الوقت تذكار تذكار...واذكر مواقف كل طاعن ومطعون
حارب بدين الله الخالق النافع الضار...واذكر الرحمن وابليس ملعون
أطرد من أرض الله عدوين الاذكار...وان جوك والا جعلهم مايردون
وروح قلهم احنا على كل مشوار... وذوقوا مرارة نصف ما تستحقون
واذا رضيتوا قولوا الوقت دوار...واذا زعلتوا سوو الي تسوون

.....................